ياريت تدري

يا ليت تدري عن الشوق الذي بصدري ..... يا ليت احظى بلحظه يوم بوصالك

توقع وش يكون الرد من قلبٍ هديته جروح؟
يهلي بك وينسى الجرح•• يقولك يا غلا مسموح؟
تخيل عيش مأساتي تصور إنك المجروح
بتعرف بعدها ردي•• معاناتي مع الأيــــامْ



ماني أول قلب في الحب انخذل
ولنته آخر مـن بيخذل له شــريك
كم مثلي عـــلّـــــــــق بمثلك أمل
ضاعــــت آماله..مثل من يهتويك
وكم ضـــــــحيه غرها دور البطل
والبــطوله دورهـــا لايــق علــيك





تشتاق لي واشتاق
وتلعب بنا لاشواق
اجيك بعد افــــــراق
كلي وله واجفـيك
كيفي حلالي إنتْ
أزعّـلك وارضـــــيـك
فيك ابتدى عمري
يا حبي العـــــذري
وفي غيبتي أدري
بتبكي وانا ببكـــيك
كيفي حلالي إنتْ
أزعّـلك وارضـــــيـك



أشهد اني سهرته في الليالي غرام
أشهد إني مشيته لين شفت الدليل
أقضي عمري لشفه لو مضت ألف عام
وافي ٍ ما أفرط والله اني بخيل



يا ليت اقدر اوضّح لك بعض امـري ..... وارسل حروفي باسـم الحب تهجالك
يا ليت تدري عن الشوق الذي بصدري ..... يا ليت احظى بلحظه يوم بوصالك
يا ليت عينك بصدفه تنظر بشعري ..... والا خـيالي يمر في يوم على بالك
اتمنى قربك ولكن كيف يا عـمري ..... ما تـدري عني ولا ادري باحـوالك




أريدك أكثر بمرات من طفلٍ فقد أمـــــــه
من غربه إلى أوطان من علمي ومن ظني
أريدك مثل ما انته اصيلٍ وافي الذمـــه
أريدك حتى لو قلبي بدنيا الحب بعثرني


انا احبك واعلانها صراحه واكسر التقليد= واحرض كل عشاق الهوى تتبع خطاوينا
مدام الحب في قلبي وقلبك طاهر ٍ ويزيد= فليش نخاف نكتم عشقنا ونمنع تلاقينا