العـــــــــــــــــــــــــــــــــــــشق

[b]العشق مرض خطير ننصحك ماتقربوا لامن قريب ولابعيد

راهو مرض كبير مايسلكك منو لاطالب ولا طبيب

هو نار انت بإيدك شعلتها وماقدرتش بعد كل هاذا طفيها
هو حرب انت نوضتها وماتعرف بلاك تموت بلاك تحيا فيها
هو مرض وفيروس صابك وانت ماكش قابل
بلاك يجي يوم وترجع تمشي هابل
هو باب اذا تفتح ماعادش يسكر
وهو غلطة اذا صلحت يجي نهاروتتكسر
يا إبن العشق راه يضرك وبين اهلك وناسك يغرك
العشق بحر طويل طويـــــــــــل
تشوف قداموا بصح تجهل باقيه
هوممكن من عند ربي قدر باه على نعمة ربي تصبر

بصح هنا الي ماعدناش نفرقوا بين الوفا والغدر[/
العشق ماهوش الحب هو الحب كي يعود قاسي
هو الحب كي يعود المعشوق ظالم واناني
هو نار تاكل كل مافيك ماتعود تشوف لابقلبك لا بعينيك
اكثر ماتشرب الماء باه تطفيها ماتوصلكش للنويه
بحر العشق عندوا بحر عميق اذا طحت فيه مايسلكك رفيق
هو العمق وانت الموج الي كل يوم الريح يقلب فيك
يدي ويجيب فيك بلاك ياولدي بالعشق الدنيا تغرك وتلعب بيك
وبلاك غير لهواء الي يجي يديك في الدنيا ماتعشق غير ربي ووالديك
في العشق راهو حتى غادر مايهون عليك
ولو يعود طيرلك النوم من عينيك
وينعت للناس هيبتو فيك
تبقى تعشقوا وتقول نبغيك
اه.اه.اه يالعشق مالقيتش وين نهرب وكيفاه نسلك روحي من بين ايديك .
عييت نفهم ونشرح مي قصتي ليقتها في معانيك
يالعشق انت بيرك غارق ويحبلك صياد فايق
وانا مانعرفش نصيد واش جابني ليك
نعرف بلي راح نطيح فيك وماصدقتش كي كانوا يحكولي عليك في بالي كذب منهم ليك حتى طحت بين رجليك وقتلي راكي غلطتي [center]مع ربي ووالديك

هذا برك باه تشبعي عينيك
نهز ايديا للسماءوندعي ربي يديك يالعشق يالي حرقت قلبي وطيرت النوم من عيني وماجاني منك الخير لافي صحتي لافي ديني .
مانيش عارفة برك واش جابك لطريقي ونعتلك قلبي المسكين وكي قالولك عليه حنين لعبت بيه ندعي ربي يسلكني من هاذ المرض لخطير.
انا نعرف بلي بلاك من ربي بصح
ماعدتش قادرة نفرح
وماعدتش قادرة نصبر وقلبي سبابي
قلبي سباب هلاكي ياولكان سمع لعقلي واتحدوا بلاك مايكونش كل هاذا ضدي
انا العشق ماجاني منو خير
كنت بيه نجري ونطير
واليوم لاجناح ولا رجلين
قالولي ماطير الا بجنحين
قلت نتبع نصيحة لمجربين
وندير العشق جنحين
حتى ماوصلت للي نحبوا ونبغيه
لقيت روحي تفرت فيا و طحت بين الرجلين
انا العشق ضرني وكواني
وقلبي ماهو راضي عليه ماهو هاني
كان حاب يعيش زاهي
حتى لن الوقت فات وراح وخلاني
العشق هو انك تحب وتضحي وتسلم في حبيب قلبك لغيرك غير باش ترضي ضميرك.وباش تشري راحة بالوا.وهو يلعب ويضحك ويبيع وتشري في قلبك كيما يحلالوا .انك تتكوى بنار غيرك والخير مايجيك لامن صاحبك لا من حبيبك.هو انك تكون في بلاصة مايلزمش تكون فيها ولحظة مرفوض انت فيها وحتى لوان عندك مال الدنيا مايلزمش تشريها.هذا العشق الي انا جربتوا وحتى كي قريت قصة قيس وليلى وعنتر وعبلة ماصدقتوش وماحبيتش نفهموا حتى تكويت بناروا باه فقتلوا.
رجاء يوم:06/04/2012على الساعة06:00صباحا